നാട്ടിൽ മഴ

മഴപ്പൊതി
മഴക്കാലം
തലയില്‍ ചൂടുവാന്‍
അനിയത്തിക്കൊരു
ഫോറിന്‍ കുട
കൊടുത്തയക്കണം.

വീട്ടിലേക്കുള്ള
വിളിയില്‍
മഴ
പെയ്തിറങ്ങി.

നാലു മണിക്കുള്ള
ലോങ് ബെല്ല്`
തുറന്നു വിടുന്ന
കുടകളുടെ കാട്ടിലെ
പണ്ടത്തെ
മഴപ്പൊട്ടനുണര്‍ന്നു.

ഇടവപ്പാതിയില്‍ നിന്ന്`
ഒരു പൊതി
കൊടുത്തയക്കുമോ..
.........
.........
നല്ല മഴയാണ്
നീ പറയുന്നതൊന്നും
മനസ്സിലാവുന്നില്ല.
പിന്നെ വിളിക്കുമോ നീ,
ലൈന്‍ കട്ടായി.

ഉമ്പാച്ചീ
ഇതെന്റെ ഫോണാണ്
പെയ്തതും കരഞ്ഞതും കട്ടായതും...

ജലതുള്ളി ഇറ്റിവീഴുമൊച്ചയോടെ
ഫോൺ സന്ദേശം വന്നു
Your account balance is 0

.ഇതിലുണ്ടെല്ലാം.വേദനകള്‍ മഴയായ്‌ പെയ്തുകൊണ്ടിരിക്കുന്നു

മഴകാരണം ഇപ്പൊ വിളിച്ചാലും കിട്ടുന്നില്ല.
എപ്പോഴും വാക്കുകളുടെ കൊളുത്തുകള്‍ ഇണചേരാനാവാതെ അടക്കിപ്പിടിക്കലോടെ നിലച്ചു പോവുന്നു.

നിസ്സഹായതയുടെ സീറോ ബാലൻസിൽ എത്തി നിൽക്കുന്ന അക്കൌണ്ടുകൾ

മറുപുറങ്ങളും,
മറുപടികളും,
മറുമൊഴിയായ്,
മാറ്റിതീര്‍ക്കുന്ന വേദന!

ഇവിടെ മഴയുണ്ടോന്ന്
ചോദിച്ചപ്പോൾ
കണ്ണ് നിറഞ്ഞ് പെയ്തു