ബാര്‍ബര്‍ ഷോപ്പിലേക്ക്‌ കയറുമ്പോള്‍ തലയെക്കുറിച്ച്‌ ചില ഭാവനകളുണ്ടാവും,ആര്‍ക്കും. മൈക്കള്‍ ജാക്ക്‌സന്റെ തല കലാമിന്റെ തല സച്ചിന്റെ തല പന്ന്യന്റെ തല... ചീര്‍പ്പിനും, കത്രികയ്ക്കുമിടയില്‍ തല- സ്വപ്‌നങ്ങളെ താലോലിച്ചു കൊണ്ടേയിരിക്കുന്നു. തലയിലഴുത്തില്‍ വിലപിക്കുന്നവരും തലപ്രാന്തെടുത്തവരും പേന്‍ തലക്കാരും നര ബാധിച്ചവരും കഷണ്ടിക്കാരും.... ബാര്‍ബറുടെ കത്തി, സ്വന്തം കഴുത്തില്‍ പതിക്കുന്നതും, തല, അന്യമായിത്തീരുന്നതും ആരും ഓര്‍ക്കാറില്ല. തെരുവിലൂടെ നാട്ടുവഴിയിലൂടെ അഴുക്കു ചാലിലൂടെ സ്വീകരണ മുറിയിലൂടെ കിടപ്പറയിലൂടെ ഉരുണ്ടുരുണ്ടു- പോവുന്ന തല ആരും സ്വപ്നം കാണാറില്ല... വിചാരത്തിനും അലങ്കാരത്തിനുമിടയില്‍ തല, മിനുക്കി മിനുക്കിയങ്ങിനെ.... |
