കാളിങ്ങ്‌ ബെല്ലുണ്ടായിട്ടും
വാതിലില്‍ മുട്ടിവിളിക്കുന്നതാണ്‌
എനിക്കു പ്രിയം
ബെല്ലില്‍ തൊടുമ്പോള്‍
പെട്ടെന്ന്‌,
അന്യനാവും പോലെ...
അതിന്റെ പലവിധ-
ശബ്ദവിന്യാസങ്ങളിലൂടെ
കാത്തുനില്‍ക്കുമ്പോള്‍
ഉപേക്ഷിക്കപ്പെട്ട ഭൂമി പോലെ...
വാതിലില്‍ മുട്ടിവിളിക്കുന്നതാണ്‌
എനിക്കു പ്രിയം
പ്രിയപ്പെട്ടൊരാളെ
തൊട്ടുവിളിക്കുന്നതറിയാം
ശരീരത്തില്‍,സൌഹൃദത്തോടെ...
ഹൃദയത്തില്‍,മനസ്സടുപ്പത്തോടെ...
പിന്നെ,
വാതില്‍ തുറക്കുമ്പോള്‍
ആരോ ശരീരം തുറന്നു വയ്ക്കുന്നതും,
ഹൃദയം വെളിപ്പെടുന്നതും,
അകത്തേയ്ക്കുള്ള വഴി
ഇണയുടെ സൌമ്യഗന്ധമാവുന്നതും... *******************************
അടഞ്ഞ വാതിലിനു മുമ്പില്‍
ഇങ്ങിനെ നില്‍ക്കുമ്പോള്‍,
മുട്ടിവിളിച്ചിട്ടും
ആരും തുറക്കാതാവുമ്പോള്‍,
ബെല്ലില്‍ തൊട്ടു-
ചിതറിത്തെറിക്കുമ്പോള്‍.... |
Very nice layout and presentation. simple lines. I liked it. Thanks.
സ്നേഹപൂര്‍വ്വം,
Jayakeralam malayalam Magazine,
http://www.jayakeralam.com വായിച്ച്‌ അഭിപ്രായം അറിയിക്കുമല്ലോ.