അമ്മായി വരുമ്പോള് മഞ്ഞ നിറമുള്ള ജിലേബിയുണ്ടായിരുന്നു; പാവം അമ്മായി, പതിനാറു കൊല്ലം കൊണ്ട് മഞ്ഞയുടെ മധുരം മാഞ്ഞതറിഞ്ഞിട്ടുണ്ടാവില്ല; ഷുഗറിന്റെ ഗുളികയ്ക്കിപ്പോള് വിലയേറിയിരിക്കുന്നു! ആശുപത്രിക്കിടക്കയില് മഞ്ഞച്ച ആകാശം സ്വപ്നം കണ്ടു പിടഞ്ഞുണരുന്നവന് കിഴക്കേ മുറ്റത്തെ വേപ്പുമരവും, മരച്ചില്ലയിലെ- മഞ്ഞക്കിളിയുടെ മധുരവും ചിക്കിപ്പെറുക്കിയെടുക്കാനാവില്ല. കിഴക്കോട്ടു മുഖമുള്ള വീട്ടില് അകാശത്തോടൊപ്പം പടി കയറിവരുന്ന സൂര്യകാന്തികള്, ചെണ്ടുമല്ലികള്... ഏതു നിറത്തിലും മഞ്ഞയാവുന്ന പാല്ക്കാരിയുടെ - മുഷിഞ്ഞ സാരി രാധേ,കൃഷ്നന് ഞാന്! കേശവേട്ടന് എറിഞ്ഞിടുന്ന മഞ്ഞ നിറമുള്ള പത്രത്തില് വായിച്ചെടുത്ത ലോകം, വെയിലേ,വെളുക്കുന്നു ഞാന്! ജിലേബി തിന്നാനാവില്ല; അടുത്ത മുറിയിലേക്കു പങ്കുവയ്ക്കുമ്പോള് ഒരു സൂര്യോദയം നേദിയ്ക്കുന്നു... |
ജിലേബി തിന്നാനാവില്ല;
അടുത്ത മുറിയിലേക്കു പങ്കുവയ്ക്കുമ്പോള്
ഒരു സൂര്യോദയം നേദിയ്ക്കുന്നു...