ഞാനും മക്കളും നടക്കുവാനിറങ്ങിയതായിരുന്നു മക്കളോടൊപ്പം പലതും പറഞ്ഞ് നടന്നുപോവുന്ന അച്ഛനെന്നൊരാള് ഭൂമിയുടെ വരമ്പിലുണ്ടായിരുന്നു.
വരമ്പിന് ഇരുപുറം വയലുകളും, വയലുകള്ക്ക് ഇരുകരയിലും മരങ്ങളും, മരങ്ങള്ക്കിടയില് വീടുകളും, വീട് നിറയെ അച്ഛനും മക്കളും!
വരമ്പില് തെന്നുന്ന കാലടികളിലും വയലില് കവിയുന്ന പച്ചയിലും മരക്കൊമ്പിലെ കിളിക്കൂടുകളിലും മുറിയിലും മുറ്റത്തും അമ്മയുണ്ടായിരുന്നു!
ഞാനും മക്കളും നടക്കുവാനിറങ്ങിയതായിരുന്നു മക്കളോടൊപ്പം പലതും പറഞ്ഞ്, നടന്നു പോവുന്ന അച്ഛനാവണമായിരുന്നു
ഭൂമിയില്ലാത്തതിനാല് വരമ്പിലൂടെയല്ല വയലുകളില്ലാത്തതിനാല് പച്ചയിലൂടെയല്ല കരകളില്ലാത്തതിനാല് മരങ്ങള്ക്കിടയിലൂടെയല്ല
വീട്ടില് നിന്നിറങ്ങി മറ്റൊരു വീട് മുറിച്ചു കടന്ന് പലതരം വീടുകള് ചുറ്റി വീടുകളില് മുട്ടിയും,തടഞ്ഞും പല വീടുകളെക്കുറിച്ചു പറഞ്ഞും....
അമ്മ എവിടെയാണോ ആവോ... വീടുകള്ക്കുള്ളിലെ തുറക്കാനാവാത്ത വീടുകളിലോ; വീടുകള്ക്കിടയിലെ നികത്താനാവാത്ത വീടുകളിലോ? |
ഞാനും നിങ്ങളെപ്പോലെ
ഒരു വീടുപണിയെക്കുറിച്ച്
ആലോചിക്കുകയ്യാണ്...