ജനിച്ചത് മെയ് മാസത്തിലായിരുന്നു അപ്പോഴേക്കും വസന്തത്തിന്റെ ഇടിമുഴക്കം പാഠപുസ്തകത്തിലായിരുന്നു; കാണാപാഠം പഠിച്ചാലും പാതിയെത്തുമ്പോള് പലതും മറന്നു പോകുമായിരുന്നു.
കുട്ടാടന്പാടത്തു നിന്ന് ബീരാവുക്ക അമ്മുട്ടിയേയും കൊണ്ട് ഒളിച്ചോടിയത് റഷ്യയിലേക്കായിരുന്നില്ല; അവരുടെ കല്യാണഫോട്ടൊ, സോവിയറ്റ് യൂണിയന്റെ മാസവരിക്കാരൊന്നും മാസികയുടെ കട്ടിക്കടലാസില് കണ്ടിരുന്നില്ല.
മെയ് മാസത്തില് ജനിച്ചിട്ടും പേരിട്ടത് നസീര് എന്നായിരുന്നു; വയലാറാണ് എഴുതിയതെങ്കിലും പ്രേംനസീറിന്റെ ചുണ്ടനക്കവും മെയ്യിണക്കവുമാണ് പാടിയുണര്ത്തിയത്.
ജന്മദിനാഘോഷങ്ങള് ഉണ്ടായിട്ടേയില്ല; സര്ക്കാരുദ്യോഗത്തിന്റെ നാലു ചക്രത്തില് അച്ഛന്, വസന്തം ഇടിയും മഴയുമേല്ക്കാതെ കൊണ്ടു നടക്കുകയായിരുന്നു.
ജനനസര്ട്ടീഫിക്കറ്റില് മെയ് മാസം തിരുത്തി ഏപ്രിലിലോ,ജൂണിലോ ജനിക്കുവാന് ബ്രാഞ്ച് സെക്രട്ടറിയില് നിന്നു തുടങ്ങണം നെല്ലായും,കായക്കുലയായും,മരച്ചിനിയായും... |
മെയ് മാസത്തിലാണ് ജനിച്ചത്...
നെല്ലും,മരച്ചീനിയും,വാഴയും,ചേമ്പുമൊക്കെയുള്ള നാട്ടില്...