| ഉപേക്ഷിക്കപ്പെടുമ്പോള്‍ |
| Jun 11, 2008 |
ഉപേക്ഷിക്കപ്പെടുന്ന ചെണ്ടയുടെ
കൊട്ടിപെരുക്കം കേട്ടിട്ടുണ്ടോ?
തുകലിന്‌റെ പൊട്ടിയ താളത്തിലൂടെ
ജീവന്‍ ഇറങ്ങിയോടുന്നത്‌ ,
ഒരാലിന്‍ കൊമ്പത്തും തുള്ളാതെ
മരപ്പൊത്താവുന്നത്‌ ...
ഇറങ്ങിയോടുന്നത്‌ മൃഗമല്ല
മേളം പെരുകിയ ദേഹവുമായൊരാള്‍
ആള്‍ക്കൂട്ടമില്ല
ആനയുടെ ചെവിയാട്ടമില്ല
കുരുത്തോല തോരണമില്ല
കാവു തീണ്ടലില്ല
ചവറ്റുകൂനയില്‍
തെരുവോരത്ത്‌
ഒഴിഞ്ഞ മൈതാനത്ത്‌
പൊട്ടക്കിണറ്റില്‍
ബലിയില്ല
വായ്ക്കരിയില്ല
ഉപേക്ഷിക്കപ്പെടുന്ന ജീവന്‍
ആരുടെ ദേഹവും വാരിപ്പുണരുന്നില്ല
മണ്‌മറഞ്ഞുകൊണ്ടേയിരിക്കുന്നു.... |
| |
|
|
|
|
|
ഉപേക്ഷിക്കപ്പെടുന്ന എല്ലാ താളങ്ങള്‍ക്കും