ഇരിപ്പിടം Sep 22, 2008 വൃത്തത്തില്‍ എഴുതാനാവില്ല ഇരിപ്പിടത്തെക്കുറിച്ച്‌ ഇരിപ്പിടത്തില്‍ നടുനിവര്‍ത്തലുണ്ട്‌ ചാരിയിരിപ്പുണ്ട്‌ ചുരുണ്ടൂ കൂടലുണ്ട്‌ കാലാട്ടമുണ്ട്‌ പാതിമയക്കമുണ്ട്‌ ഒന്നു ചിരിക്കുക പോലും ചെയ്യാതെ അപരിചിതന്‍ ചാടിക്കയറിയിരിക്കുമ്പോള്‍ പകച്ചു പോകുന്ന കസേര ഒരോര്‍മ്മയുടെ പിന്നാലെ ചാടിയെഴുന്നേല്‍ക്കുമ്പോള്‍ അനാഥമാവുന്ന ബഞ്ച്‌ മയക്കത്തില്‍ നിന്നാരോ വിളിച്ചുണര്‍ത്തി കൊണ്ടുപോകുമ്പോള്‍ പോയ്‌ വരട്ടേയെന്ന്‌ കേള്‍ക്കാന്‍ കാതോര്‍ക്കുന്ന സോഫ അതിഥികള്‍ ചാഞ്ഞും ചരിഞ്ഞും വാതോരാതെ ഇളകിയിരിക്കുമ്പോള്‍ ആരുമെന്നെ കണ്ടില്ലല്ലൊ എന്ന്‌ മുഖം കുനിക്കുന്ന സെറ്റി വൃദ്ധന്‍ ഉറങ്ങി തുടങ്ങുമ്പോള്‍ തൊട്ടുതലോടാനാവാതെ ചാരുകസേര കുട്ടികള്‍ കുത്തിമറിയുമ്പോള്‍ കൂടെക്കൂടാന്‍ കൊതിച്ച്‌ കുഞ്ഞുകസേരകള്‍ ഇരിപ്പിടത്തെ ഏതൊക്കെ മരത്തില്‍ അപൂര്‍വ്വരൂപത്തില്‍ എഴുതിയാലും വൃത്തം തെറ്റും വാക്കിന്റെ ഇരിപ്പ്‌ മാറും വീട്ടുകാരായും കൂട്ടുകാരായും അയല്‍ക്കാരായും പിരിവുകാരായും ദൈവമായും ചെകുത്താനായും ഇരിപ്പിടം വൃത്തങ്ങള്‍ വരയ്ക്കും.

 

2വായന:

Mahi … ഇരുത്തിയോറ്റത്തിരുന്ന്‌ എത്ര ഇരുത്തമില്ലായ്മകള്‍ കാണേണ്ടി വരുന്നു അതിന്‌    നജൂസ്‌ … ഒരിക്കളും പ്രതീക്ഷിക്കാതെ ഒരാളാല്‍ ഇരുത്തപ്പെട്ട കസേര. തൊട്ടുതലോടാതെ... കാഴ്ചമാത്രമായി പോവുന്നവ.

Post a Comment

സംക്രമണം >>

2011

2010

2009

2008

2012

2007