 നീലയായിരുന്നു ഭാഗ്യനിറം
കഴുകാനിട്ടപ്പോൾ കുളം നീലിച്ച് തോട് മുറിച്ച് കടലിലേക്കൊരു നീലത്തിര
ഭാഗ്യം പച്ചയായപ്പോൾ കഴുകാനിട്ട നേരം ഒലിച്ചിറങ്ങിയ പച്ച ഇലകളിലേക്ക് ഓടി കയറി
ചുവപ്പിൽ ഭാഗ്യമെത്തിയപ്പോൾ പൈപ്പിൻ ചോട്ടിൽ ചോർന്നു പോയ നിറം രക്തസാക്ഷിയായ് വിലാപ യാത്ര പുറപ്പെട്ടു
വെളുപ്പാണിപ്പോൾ ഭാഗ്യനിറം ആകാശത്തേക്ക് ഒരു വെളുത്ത മേഘം പറന്ന് പോകുന്നതും നോക്കി |
ഒരു നിറവും
ഉപേക്ഷിച്ചു പോകാനില്ലാതെ.