ചൂല് കൊണ്ടുള്ള അടിപ്പാടുകൾ...

Wednesday, March 26, 2008
ചൂലേ.......?
അടുക്കള മൂട്ടിലും
വിറക് പുരയുടെ ഇറമ്പിലും
കരഞ്ഞും നിലവിളിച്ചും
പിന്നെ വീണു മൂളിയും
പാതിമയക്കത്തില്‍ കിടക്കും
എന്‍റെ ചൂലേ
നീ ഒന്നുണരൂ

കുടില് മുതല്‍ കൊട്ടാരം വരെയും
പിന്നെ ഈ വഴിയോരങ്ങളിലും
കിടക്കും പൊടിയും ,മണ്ണും
ഇന്നലത്തെ കാറ്റില്‍ വീണ
കഴിഞ്ഞ കാലങ്ങളിലെ കരിയിലകളും ,
പൌര മുഖ്യര്‍ ,പ്രമാണിമാര്‍
കടിച്ചു തുപ്പി കളഞ്ഞ എച്ചിലുകളും
നീ കാണുന്നില്ലേ .....?

അതോ .. കണ്ടിട്ടും കാണാതെ
പോലെ നീ കിടക്കുന്നുവോ ?

കൊട്ടാരത്തിലെ പ്രഭുക്കന്മാര്‍
നിന്‍റെ നേരെ വിരല്‍ ചൂണ്ടും
പിന്നെ ഉറക്കെ നിന്നെ
ഫ..ചൂലേ
എന്നാക്ഷേപിക്കും

ഒരു പക്ഷെ
ആരും കാണാത്ത മൂലകളില്‍
നിന്നെ വീണ്ടും ഒളിപ്പിക്കും
കാരണം നീ അവരുടെ
രഹസ്യങ്ങളെ വലിച്ചു പുറത്തിടും
ഒരു കുറ്റി ചൂലിനെ പോലും
അവര്‍ ഭയക്കും

നിനക്ക് ഈ തിരുമുറ്റം
വെടിപ്പാക്കാന്‍ എന്‍റെ ഈ കൈകള്‍ തരാം
ഒരു പക്ഷേ
നാളെ ഒരായിരം കൈകളും ഉയരാം
നീ ഒന്നുണരൂ
എന്‍റെ ചൂലേ

നന്നായിട്ടുണ്ട്

നല്ല ചിന്ത

ചിതറിക്കിടന്ന ചപ്പു ചവറുകളൊക്കെ
അടിച്ചു കൂട്ടി ഈ ചൂല്‍,
ചൂലേന്ന് വിളികേട്ടാല്‍ ഇനി ചൂളില്ല