ഒരു മരം ആകാശം മാഞ്ഞ നേരം കടയോടെ ഒറ്റ വീഴ്ച.
ആളുകളേറെക്കൂടി കൂട്ടം കൂടി മരത്തിന് ചുറ്റും.
ഭൂമി കുലുക്കമാവാം വേരിൽ പിണഞ്ഞൊരു പിണക്കമാവാം
കാറ്റ് തലകീഴായതാവാം മഴ ആഴം നോക്കിയതാവാം
മരം വേരോടെ നിലം പൊത്തി.
ഇല പൈക്കൾക്ക് ചില്ല അടുപ്പിലേക്ക് തടി വീടുപണിയിലേക്ക്
വേരുകൾ പെറുക്കികൂട്ടാൻ ഇതുവരെ ആരും വന്നില്ല |
ആ മരം,
എഴുതി നിർത്തുമ്പോൾ
വിത്സാ
നീയൊരു നീണ്ട കരച്ചിലാവുന്നു