കറുത്ത കട്ടിഫ്രെയിമുള്ള കണ്ണടകൊണ്ടേ അച്ഛനെ വരക്കാനാവൂ ഊന്നുവടി കൊണ്ട് ഗാന്ധിയെ അടയാളപ്പെടുത്തും പോലെ
മുഖം ഛായാചിത്രമായില്ലെന്ന് കുറ്റം പറഞ്ഞോളൂ
കണ്ണടവട്ടത്തില് തെളിയും അച്ചുതണ്ടില് തിരിയുന്നതിന് ഭൂപാളം
മാഷുടെ പണിക്ക് എന്തുകിട്ടും എങ്ങിനെ കുടുംബം നോക്കും?
ചോദ്യം വയസ്സനായി നരച്ചരോമങ്ങളായി തെറിച്ച് നില്പുണ്ട് അച്ഛന്റെ ചെവിയില്
കണ്തടത്തിലെ കരുവാളിച്ച ക്ളാസ്സ്മുറിയില് ഇംഗ്ളീഷ് പീരിയഡ് സംശയം ചോദിക്കുന്നുണ്ട്
കൃഷ്ണമണിയില് നിന്ന് വീടും നെല്പാടവും തെങ്ങിന്തോപ്പും കടന്ന് കപ്പല് നടുക്കടലിലേക്കിറങ്ങുന്നുണ്ട്
മൂക്കിന്തുമ്പില് ഉപ്പുകാറ്റ് വീശുന്നുണ്ട്
ഭൂമിയുടെ പര്യായം ഉപ്പുവെള്ളമെന്ന് കൂറ്റന് മല്സ്യങ്ങള് ചെറുചൂണ്ടല് തിരയുന്നുണ്ട്
മാഷേ...
തുറമുഖത്ത് സ്വീകരിക്കാന് കാത്തുനില്പുണ്ട് ഈന്തപ്പനയും കരയ്ക്കുകയറിയ മല്സ്യങ്ങളും
മണലില് ഒട്ടകങ്ങളുടെ ക്ളാസ്സ്മുറിയുണ്ട്
കൂട്ടമണിയടിക്കുമ്പോള് കറുത്ത കട്ടിഫ്രെയിമുള്ള കണ്ണട മണല്കാറ്റ് പൊതിയും ആകാശം അസ്തമിക്കും
അച്ഛനെ വരക്കുമ്പോള് ഭൂമിയുടെ പര്യായമാകും മരുഭൂമിയാകും |
എല്ലാവര്ക്കും മാഷ്
എന്റെ ഉപ്പ