ഞാനത് കണ്ടു, മാറി മാറി മണ്ണ് വാരിയിട്ടില്ലെ നിങ്ങള്
ഇനിയീ മുഖത്തേക്ക് നോക്കരുതെന്നെന്റെ കണ്ണിലേക്ക് മിണ്ടിപ്പോകരുതെതെന്നീ ചുണ്ടിലേക്ക്
മണത്തറിയരുതൊന്നും കേട്ടുനില്ക്കരുത് ആരുടെയൊച്ചയും മണ്ണിട്ടു പൊത്തി മൂക്കും ചെവിയും
തൊടരുതാരെയും അമര്ത്തിപ്പിടിക്കരുത് ഒരടി പോലും നടക്കരുത് ഓടി ഒന്നാമനാകരുത്...
കൂട്ടമായ് ചുറ്റും നിങ്ങള് മണ്ണിട്ട് മൂടി മണ്ണിനോടെന്തോ ഒളിച്ച് പ്രാര്ത്ഥിച്ചു
എല്ലാം കഴിഞ്ഞെന്ന് തിരിച്ചുള്ള നടപ്പില് ഞാനുമുണ്ടല്ലൊ കൂടെത്തന്നെ
എല്ലാ മുഖത്തും നോക്കി മിണ്ടിയും പറഞ്ഞും ചിരിച്ചും തൊട്ടും തോളത്ത് കൈയിട്ടും ഇടയ്ക്ക് നിങ്ങളെ പറ്റിച്ചോടിയും... കണ്ടില്ല നിങ്ങളെന്നെ
തിരക്കിലെന്തോ ഓര്ത്തും സങ്കടപ്പെട്ടും കരഞ്ഞും...
മണ്ണിട്ട് മൂടിയതാരാണ് നിങ്ങളെ?
ഉള്ളിലൊരു ചിരിപൊട്ടി
|
നന്നായിട്ടുണ്ട്