നാല് വാക്കുകള് നടന്നുപോവുകയായിരുന്നു
ഞാന് കലുങ്കിലിരിക്കുകയായിരുന്നു ആരോടും മിണ്ടാനില്ലാതെ
കൈകൊട്ടി വിളിച്ചു നോക്കി കൂക്കി വിളിച്ചു അലറി വിളിച്ചു ഒടുവിലാണ് വാക്കിന് നേരെ കത്തി നിവര്ത്തിയത്
വാക്കുകള് ചിതറിയോടി
ഒരു വാക്ക് കിണറ്റില് വീണു നിലകിട്ടാതെ വെള്ളം കുടിച്ച് ശ്വാസംമുട്ടി ചത്തുപൊങ്ങി
ഒരു വാക്ക് കിഴക്കോട്ടോടി പേ പിടിച്ചാണെന്ന് നാട്ടുകാര് തല്ലിക്കൊന്നു
ഒരു വാക്ക് നഗരത്തിലെത്തി കള്ളന് കള്ളനെന്ന് വളഞ്ഞുപിടിച്ച് ജയിലിലടച്ചു
ഒരു വാക്ക് വൃദ്ധദമ്പതികളുടെ വീട്ടുമുറ്റത്ത് അണച്ചുനിന്നു അവരതിനെ കൂട്ടിലടച്ച് ഓമനിച്ചുവളര്ത്തി...
നിങ്ങള് ആരാണ്? കോടതി ചോദിച്ചു ഒരു വായനക്കാരന് കോടതിമുറി കൂട്ടച്ചിരിയായി
|
ഒരു വായനക്കാരന്