എലിയുടെ ജീവപര്യന്തത്തെക്കുറിച്ച് പൂച്ച വാചാലമാവും.
പൂച്ചയ്ക്കു മാത്രമല്ല, ഭൂപടം വിട്ടൊഴിഞ്ഞ എല്ലാ വന്കരകള്ക്കുമറിയാം തിന്നുതീരുന്ന ജീവിതം.
പഴയ ആധാരക്കെട്ടുകളില് കാണാം എലിയെക്കുറിച്ചുള്ള വിശദവിവരണം. കുഴിക്കൂറിനും വേലിക്കുമിടയിലെ ഒന്നരസെന്റ് അപ്രത്യക്ഷമായതിനെക്കുറിച്ച് മാത്രമല്ല രാജ്യങ്ങള് തിന്നുതീര്ന്നതിന്റെ അവശിഷ്ടങ്ങളും.
അലമാരക്കള്ളികള്ക്കറിയാം ചന്തുമേനോനും മാര്ക്കേസിനുമിടയില് നിന്ന് കേശവദേവിനെ കാണാതായതും മഗ്ദലനമറിയം പാതിശരീരമായതും.
എലി വാഹനത്തിന്റെ പുറത്ത് ദൈവം ഒരു ശിവകാശി കലണ്ടറിന്റെ ഭൂപടത്തില് മേയാനിറങ്ങിയപ്പോള് വരാന് കഴിയാതെ പോയ ദിവസങ്ങളും പുലരാന് കഴിയാതെ പോയ രാജ്യങ്ങളും കരയുന്നത് പൂച്ച മാത്രം കണ്ടിരിക്കണം
നന്നായിരിക്കുന്നു.