രണ്ടുവരക്കോപ്പിയില് ഉറക്കത്തിലെന്നെഴുതിയപ്പോള് ഉറക്കെ എന്നായപ്പോഴാണ് ഉസ്മാനെ ബെഞ്ചില് കയറ്റി നിര്ത്തിയത്.
ഉയരത്തില് നിന്ന് ഉസ്മാന് കൂട്ടുകാരുടെ തലകളെണ്ണി തലകള് പെറുക്കി വരി വരിയായി വെച്ചു. ഒരു വരിയില് ആണ്കുട്ടികളുടെ പിന്നെ പെണ്കുട്ടികളുടെ... രണ്ടു വരികള്ക്കിടയില് ഉസ്മാന് ഉറക്കെയെന്ന് പിന്നേയും തെറ്റിച്ചെഴുതി ആരും കണ്ടില്ല.
രണ്ടുവരക്കോപ്പി തീവണ്ടിപ്പാളമാണെന്ന് ഉസ്മാന് പ്രസംഗിക്കുവാന് തുടങ്ങി. പുക തുപ്പി കൂവിപ്പായുന്ന തീവണ്ടികള് തീവണ്ടി നിറയെ കുട്ടികള് പാളം തെറ്റുന്ന ബോഗികള് തീവണ്ടിക്ക് മുമ്പില് ചാടിച്ചാവുന്നവര് പച്ചയും ചുവപ്പും കൊടികള്... ആരും കേട്ടില്ല കൈയടിച്ചില്ല.
ഉസ്മാന്റെ വീട് തീവണ്ടിയാപ്പീസിന് താഴെ പുക മൂടിവെച്ച ചേരിയിലായിരുന്നു.
പി.ബാലചന്ദ്രന് എഴുതി നരേന്ദ്രപ്രസാദിന്റെ സംവിധാനത്തില് വന്ന ‘പാവം പാവം ഉസ്മാന്‘ എന്ന നാടകത്തിന്റെ ഓര്മ്മയില്, ഉസ്മാനായി വന്ന അലിയാരുടെ ഓര്മ്മയില്...
വര മുറിച്ച് പോയ ബോഗികള്ക്ക്