വെയിലെഴുത്ത് |
Jun 22, 2009 |
1
മുറ്റത്തായിരുന്നു വെയില്
തൊടിയിലേക്കും വേലിക്കപ്പുറത്തേക്കും നടന്നു കുളത്തില് ചാടി മരത്തില് കയറി
മഴവരും നേരത്ത് മുഖമൊന്ന് കാണണം കൊതിക്കെറുവോടെ ഇരിപ്പുണ്ട് വീടിനുള്ളിലെ കാണാമൂലയില്.
2
കടല് വെയിലിന്റെ വീട്
വെളുക്കുവോളം വെള്ളം വറ്റിച്ച് ഉപ്പ് തിന്ന് ഉറങ്ങാതിരിക്കും ആരും കാണാതെ കിഴക്കന് മലയുടെ നെഞ്ച് പിളരും.
3
വെയിലിനുമുണ്ട് സ്വപ്നം മഴ പോലെ തണുക്കുവാന് മേഘങ്ങളില് നിന്ന് നൂല് കെട്ടിയിറങ്ങുവാന് തുള്ളിത്തുള്ളി നടക്കുവാന്
സ്വപ്നം കണ്ട നേരത്താവണം വെയില് മങ്ങി മായുന്നത്.
4
വെയിലിലാണ് തണലിന്റെ നില്പ്
വാടിപ്പോവില്ലേ കത്തിക്കരിയില്ലേ കുരുത്തം കെട്ട കുട്ട്യേ?Labels: കവിത |
|
|
|
|
|