വഴിയില്‍ Jul 29, 2009 ഞാന്‍ ഇന്ത്യക്കാരനായതു കൊണ്ടാവണം തൊട്ടടുത്ത് ദസ്‌വിയില്‍ സ്വയം കോര്‍ത്തുകിടന്നൊരാള്‍ ഈജിപ്തുകാരനാണെന്ന് പരിചയപ്പെടുത്തിയത് മുമ്പില്‍ വെളുത്ത് ചുവന്നിരുന്നയാള്‍ ഇടയ്ക്കൊന്ന് തിരിഞ്ഞ് ഫ്രഞ്ചുകാരനെന്ന് ചിരിച്ചത് തിരക്കിട്ട് നടന്നുവന്നയാള്‍ ചങ്ങാതിയായി ഫിലിപ്പൈനില്‍ നിന്നെന്ന് മുട്ടിയുരുമ്മി പോയത് ആള്‍ക്കൂട്ടത്തിനിടയില്‍ നീണ്ടുനിവര്‍ന്നൊരാള്‍ ഇറാന്‍‌കാരനെന്ന് ചെരുപ്പ് മാറിപ്പോയതില്‍ ക്ഷമ പറഞ്ഞത് മരത്തണലില്‍ കുറുകിയിരുന്നയാള്‍ ചൈനക്കാരനെന്ന് കുടിവെള്ളം പങ്കുവെച്ചത് വിജനതയില്‍ ചുരുട്ട് പുകച്ചിരുന്നയാള്‍ ക്യൂബക്കാരനെന്ന് വഴി പറഞ്ഞുതന്നത് പോയവഴിയെക്കുറിച്ച് ഇങ്ങിനെയെല്ലാം പറയാം വഴിയിലെന്നിട്ടും ആരുമുണ്ടായിരുന്നില്ല. തൊട്ടടുത്തോ മുമ്പിലോ ആള്‍ക്കൂട്ടത്തിലോ മരച്ചുവട്ടിലോ വിജനതയിലോ ആരുമുണ്ടായിരുന്നില്ല ഞാനും ഉണ്ടായിരുന്നില്ല Labels: കവിത

 

6വായന:

നസീര്‍ കടിക്കാട്‌ … വഴി    ..::വഴിപോക്കന്‍[Vazhipokkan] | സി.പി.ദിനേശ് … 'വഴിയിലെന്നിട്ടും ആരുമുണ്ടായിരുന്നില്ല.'    രാമചന്ദ്രൻ വെട്ടിക്കാട്ട് … എവിടെയും ആരും ഉണ്ടായിരുന്നില്ല..    Vinodkumar Thallasseri … 'വഴിയിലെന്നിട്ടും ആരുമുണ്ടായിരുന്നില്ല. തൊട്ടടുത്തോ മുമ്പിലോ ആള്‍ക്കൂട്ടത്തിലോ മരച്ചുവട്ടിലോ വിജനതയിലോ ആരുമുണ്ടായിരുന്നില്ല ഞാനും ഉണ്ടായിരുന്നില്ല' ഞാനില്ലെങ്കില്‍ മറ്റാര്‌ ?    പാര്‍ത്ഥന്‍ … മനുഷ്യനെ കണ്ടു കിട്ടാനില്ല, എവിടെയും.    ശ്രീഇടമൺ … ഞാന്‍ ഇന്ത്യക്കാരനായതു കൊണ്ടാവണം :)

Post a Comment

സംക്രമണം >>

2011

2010

2009

2008

2012

2007