മലമുകളിലെ പൂച്ച Aug 6, 2009 യാത്രയ്ക്ക് തൊട്ടുമുമ്പാണ് എന്തോ പറയുവാനുണ്ടല്ലോ മറന്നുപോയല്ലോ എന്ന് നീ ഒന്നും മിണ്ടാതായത് ജലത്തോടൊപ്പം പൊതിഞ്ഞെടുക്കുമ്പോള്‍ സഞ്ചാരിയുടെ ഭാണ്ഡം പാതിമുറിഞ്ഞ വാക്കിന്റെ ഇല വാട്ടിക്കെട്ടിയ പൊതിച്ചോറെന്ന് ഇടംകാലിലിറങ്ങുമ്പോള്‍ കൂടെയുണ്ടായിരുന്നു നീ പൊതിയഴിക്കുമ്പോള്‍ മണമായ് നീ ഉറങ്ങുകയോ മുറ്റം നോക്കി നില്‍ക്കുകയോ മരച്ചില്ലയില്‍ മഴത്തുള്ളിക്കൊപ്പം കണ്ണ് നട്ടുവളര്‍ത്തുകയോ കരയുകയോ മറന്ന വാക്കേതെന്ന് തിരയുകയോ നീ ഉരുളയുരുട്ടുമ്പോള്‍ കൂടെ നീ ഉപ്പ് കൂടിയോയെന്ന ഉല്‍ക്കണ്ഠ നീ മല കയറുമ്പോള്‍ കിതച്ചുകിതച്ച് നീ താഴ്ന്നുപോകുന്ന വഴിയുടെ വേര് ചികഞ്ഞ് നീ ഒറ്റമരങ്ങളുടെ ചില്ലയിലെ മാഞ്ഞ ഇലപ്പച്ച പെറുക്കി നീ കാല്പാടുകളുടെ വാറ് പൊട്ടിയ ചെരുപ്പ് തുന്നി നീ മലമുകളിലെ ഗുഹയില്‍ ആദ്യാക്ഷരം വായിക്കുമ്പോള്‍ എന്തോ പറയുവാനുണ്ടെന്ന് മറന്നുപോയല്ലോയെന്ന് നീ തോരാതെ പെയ്ത വാക്ക് പ്രാര്‍ത്ഥനയോടെ നില്‍ക്കുന്നു പൊതിച്ചോറിന്റെ മണം പറ്റി മലമുകളിലെ പൂച്ച അരുകില്‍ തന്നെയുണ്ട് Labels: കവിത

 

3വായന:

നസീര്‍ കടിക്കാട്‌ … യാത്രയില്‍ പ്രാര്‍ത്ഥനയില്‍ കൂടെക്കൂട്ടണേയെന്ന് വാക്ക് മുറിഞ്ഞുനിന്ന ജലശബ്ദത്തിന്    aneeshans … വാക്കുകളുടെ കൂട്ടപ്പെരുക്കത്തിലും നഷ്ടമാവാതെ കവിതയുണ്ടിതില്‍.ജീവനോടെ ഇഷ്ടമായി    ഷൈജു കോട്ടാത്തല … ജീവനുള്ള കവിത

Post a Comment

സംക്രമണം >>

2011

2010

2009

2008

2012

2007