ആത്മഗതത്തിലേക്ക് പെട്ടെന്നൊരാള് കയറി വന്നാല് ഒരാളെ കാണാതാവും ആരുടേതായിരുന്നു ആത്മഗതമെന്നറിയാതെ ഒരാള്ക്ക് ചുറ്റും ആത്മഗതങ്ങള് കൂട്ടം കൂടും
കാണാതായൊരാളെ തിരഞ്ഞ് അയല്ക്കാരന് വരും അവളും മക്കളും പത്രക്കാരനും പലിശക്കാരനും വരും കുളിമുറിയിലെ തേഞ്ഞ സോപ്പ് കഷണം മണം പിടിച്ച് നടക്കും നടന്നുമടുത്ത ചെരുപ്പ് പഴയവഴിയേ പോകും
തൊട്ടടുത്ത വീട്ടില് ആരായിരുന്നുവെന്ന് അയല്ക്കാരന് ഓര്ത്തെടുക്കാനാവില്ല അവള്ക്കും മക്കള്ക്കും മാത്രമല്ല പത്രക്കാരനും പലിശക്കാരനും ആ മുഖം ഓര്മ്മ വരില്ല പതഞ്ഞുപോയ ശരീരത്തിന്റെ മണം സോപ്പിനോ നടന്നലഞ്ഞ വഴിയുടെ കിതപ്പ് ചെരുപ്പിനോ വെളിപ്പെടില്ല
പകച്ചു നില്ക്കൊന്നൊരാള്ക്ക് ചുറ്റും കൂട്ടം കൂടിയ ആത്മഗതങ്ങള് അനായാസം ആത്മകഥകള് എഴുതി തുടങ്ങും |
നിന്റെ കവിതയ്ക്ക് വട്ടായോ ? ഉന്മാദം ? എനിക്ക് പേടിയാകുന്നുണ്ട്.
നിന്റെ കവിതയെ ആരും കണ്ണ് വയ്ക്കല്ലേയെന്ന്.