| ഗസല്‍ |
| Nov 11, 2009 |
ചില ആടുകളെപ്പോലെയല്ല
ചില ആടുകള്‍
എത്ര കൂടുകള്‍ മാറിയാലും
കഴുത്തോടൊട്ടികിടക്കും കുടമണി.
ആടുകളങ്ങിനെ മണികിലുക്കമാകും.
വീടും തൊടിയും
കുട്ടികളുടെ പേരുകളും ഓര്‍ത്ത്
പുല്ലുള്ള പറമ്പുകളിലൂടെ
നീട്ടിപ്പാടുവാന്‍
ഒരുവരി തിരഞ്ഞുനടക്കും.
മ്‌ബേന്ന്
ഉറങ്ങാത്ത ഗസല്‍‌രാത്രികള്‍.
കോഴികള്‍ കൂവുന്നതിനും മുമ്പെ
പാടിത്തീര്‍ക്കണം.
അറവുകാരനും
ഗസലുകളുടെ ആരാധകന്‍.
ചില ആടുകള്‍
പെട്ടെന്ന് കഴുത്ത് നീട്ടിക്കൊടുക്കും.
ഹാര്‍മോണിയത്തിന്റെ ശ്വാസത്തിനുകുറുകെ
അവസാനവരിയും പാടിത്തീരും.
ഒന്നു പിടയും.Labels: കവിത |
| |
|
|
|
|
|
ആട്ടിന്‍‌തുകലിന്റെ തബലകളാണോ
ഗസലുകള്‍ക്ക് താളം പിടിക്കുന്നത്?