ഉറുമ്പ്‌കടി
Nov 21, 2009
നടക്കില്ല മാഷേ,
നീ തലകുത്തിനടന്നാലും
എന്റെ വേഗം കൂടില്ല.

കണ്ണുപൊട്ടാ
നിനക്കെന്തറിയാം,
അടക്കിപ്പിടിച്ചിട്ടുണ്ട് ഞാന്‍
തിളച്ചുവെന്തൊരു വറ്റ്
നുള്ള് മധുരം!
നിന്നെപ്പോലെ
രണ്ടുകാലില്‍
കൈവീശിയല്ല,
കൊഴിഞ്ഞു പോകല്ലേയെന്ന്
നെഞ്ചമര്‍ത്തിയാണ്
അരിച്ചരിച്ച നടത്തം.

എവിടെയും
എനിക്കൊപ്പമെത്താമെന്നല്ലേ
നിന്റെ അഹങ്കാരം.
ഏതു നിരത്തിലും
നടപ്പോടെ തന്നെ
ചവുട്ടിയരക്കാമെന്ന്,
തൂണിലും തുരുമ്പിലും
ഒരു വിരല്‍ മതിയാവും
എന്നേക്കുമായ്
മായ്ചുകളയാനെന്ന്

വഴി വെട്ടിയവനല്ലേ
വരമ്പ് കെട്ടിയവനല്ലേ
നടക്കാന്‍ പഠിച്ചവനല്ലേ,
ഞാന്‍ ചിരിച്ചുകുഴയുന്നതുണ്ടോ
നീ കാണുന്നു?

ഞാനും നടന്നിട്ടുണ്ട്.
ഗാന്ധിയുടെ
സത്യാന്വേഷണപരീക്ഷണങ്ങളിലൂടെ
മാത്രമല്ല
മൂലധനത്തിലൂടെയും,
പതുക്കെയാണെങ്കിലും.
നീ വായിച്ചതിലേറെ ഞാന്‍
തിന്നുതീര്‍ത്തിട്ടുണ്ട്
നീ തിന്നതിലേറെ
വായിച്ചിട്ടുണ്ട്.
സമ്മതിച്ചുതരില്ല നീ
ഉറുമ്പ് തിന്നെന്നേ പറയൂ!

എനിക്കൊരു വരി മതി
ഏതു വീട്ടിലേക്കും
നാട്ടിലേക്കും.
പലായനം
പല അദ്ധ്യായങ്ങളുള്ള
ചരിത്രാഖ്യായികയാണ് നിനക്ക്
ജാഥ
നിന്റെ ഭാഷയാണ്.
ഒരനക്കം കൊണ്ട് നീ
ടിയര്‍‌ഗ്യാസാവും
തോക്കിന്‍‌കുഴലാവും
ആഭ്യന്തരമന്ത്രി വരെയാവും.

അങ്ങിനെ ആളാവണ്ട.
ചൊറിഞ്ഞുചൊറിഞ്ഞ്
നീയൊന്ന്
ചുവന്നു തണിര്‍ക്കുന്നത്
കാണുവാന്‍ തന്നെയാണ്
എന്റെ ഓരോ കടിയും.
അല്ലാതെ
നിന്നെയിങ്ങനെ നിവര്‍ത്തിവെച്ച്
എന്ത് വായിക്കാനാ മാഷേ?

Labels:



 

 
35വായന:
  • Blogger savi

    Friend,u write really well.Best wishes!

     
  • Blogger തറവാടി

    good one :)

     
  • Blogger Unknown

    പാടവരമ്പത്തൂടെ
    രാഷ്ട്രീയപ്പാടത്തേക്കു
    ഇറങ്ങിയ ശക്തമായ ഒരു കവിത.

     
  • Blogger SATCHIDANANDAN

    NANNAAYI.ORU VAALANPUZHUVINTE AATMAGATHAM ENNORU KAVITHA NHAAN MUNPU EZHUTHIYITTUNDU, ORTHU POYI AA PUSTHAKAM THEETTA KANDAPPOL.URUMBINTE KANNIL NINNU LOKAM KAAANUKA RASAMANU, AAVASYAVUM."HONEY, I SHRANK THE KIDS" ENNA CINEMA KANDITTUNDO?

     
  • Anonymous Saradakutty Madhukumar

  • Blogger Unknown

    KAVITHA NANNAYITTUND..SUPER..

     
  • Blogger എന്റെ ഓര്‍മ്മകള്‍

    valare rasam thonni vaayichappol tuo..... oru urumbu kadicha pole thonni........ athrakyum lively aayirunnu... Keep it up....

     
  • Blogger ..::വഴിപോക്കന്‍[Vazhipokkan] | സി.പി.ദിനേശ്

    ശക്തം,
    നീറുന്നുണ്ട്.

     
  • Blogger ഭായി

    ആ ഉറുംബ്പൊടി എവിടേ? ഇങെടുത്തേ...:-)

     
  • Blogger abdulsalam

    നീ വായിച്ചതിലേറെ ഞാന്‍
    തിന്നുതീര്‍ത്തിട്ടുണ്ട്
    നീ തിന്നതിലേറെ
    വായിച്ചിട്ടുണ്ട്.
    സമ്മതിച്ചുതരില്ല നീ
    ഉറുമ്പ് തിന്നെന്നേ പറയൂ!

    ithrayum ee kavithayude sambhaavana

     
  • Blogger sarju

    ഹായ്
    ഉഷാറായിട്ടുണ്ട്
    ആഭ്യന്തരമന്ത്രി ഒഴിച്ച്

     
  • Blogger ശ്രദ്ധേയന്‍ | shradheyan

    ഡി ഡി റ്റി കിട്ടുമോ?
    ഗ്രോസറിയില്‍ കാണില്ലേ? :)

     
  • Blogger ഉണ്ണി ശ്രീദളം

    blogil pratheekshikkatha kavitha...

    satchidanandan saarinte comment kandillee?

    iniyenthu venam?

     
  • Blogger രാജേഷ്‌ ചിത്തിര

    nannaayi....

    evideyo
    kadikonda sukham...

     
  • Blogger പകല്‍കിനാവന്‍ | daYdreaMer

    എനിക്കൊരു വരി മതി..!

    ചൊറിഞ്ഞുചൊറിഞ്ഞ്
    നീയൊന്ന്
    ചുവന്നു തണിര്‍ക്കുന്നത്
    കാണുവാന്‍ തന്നെയാണ്
    എന്റെ ഓരോ കടിയും.

     
  • Blogger Unknown

    nalla udyamam. urumbukalum pattakalum manushyarodu samsarikkatte...lokam onnalla,niravadhi lokangalanennu vineethamayi namme ormippikkate

     
  • Blogger മയൂര

    നിന്റെയീയൊറ്റ കവിത മതി
    ഏതു മനസിലേക്കും.

     
  • Anonymous Melethil

    One of your Best Naseer!

     
  • Blogger seema

    kadikkattha urumpukalum undu mashe nattil...kavitha ishtamayi

     
  • Blogger ശ്രീജ എന്‍ എസ്

    അടക്കിപ്പിടിച്ചിട്ടുണ്ട് ഞാന്‍
    തിളച്ചുവെന്തൊരു വറ്റ്
    നുള്ള് മധുരം!
    നിന്നെപ്പോലെ
    രണ്ടുകാലില്‍
    കൈവീശിയല്ല,
    കൊഴിഞ്ഞു പോകല്ലേയെന്ന്
    നെഞ്ചമര്‍ത്തിയാണ്
    അരിച്ചരിച്ച നടത്തം

    മനസ്സിലേക്ക് നടന്നു കയറിയത് ഈ കവിതയും ഒപ്പം ഒരു കുഞ്ഞന്‍ ഉറുമ്പും

     
  • Blogger ഉറുമ്പ്‌ /ANT

    മലായാളം ബ്ലോഗിൽ നല്ല കവിതകളില്ലാ എന്ന് പരാതിപ്പെടുന്നവർക്ക് “ഇതാ ഇതൊന്നു വായിക്കൂ” എന്നു പറയൂ തലയെടുപ്പോടെത്തന്നെ..

    നസീർ, മനോഹരമായിരിക്കുന്നു ഓരോ വരികളും.

    അതിലേറെ ആ കൽ‌പ്പനകളും.

    നന്ദി ഈ പങ്കുവയ്ക്കലിന് :)

     
  • Blogger പ്രയാണ്‍

    great!!!

     
  • Blogger sarala

    gambeeramayittuntu... athramathram ezhuthunnu... athilum ezhuthanuntu..!!!

     
  • Blogger Midhin Mohan

    "നീ വായിച്ചതിലേറെ ഞാന്‍
    തിന്നുതീര്‍ത്തിട്ടുണ്ട്
    നീ തിന്നതിലേറെ
    വായിച്ചിട്ടുണ്ട്."
    urumbu ethra valaiyavan....! nalla kavitha mashe.....

     
  • Blogger K G Suraj

    "അങ്ങിനെ ആളാവണ്ട.
    ചൊറിഞ്ഞുചൊറിഞ്ഞ്
    നീയൊന്ന്
    ചുവന്നു തണിര്‍ക്കുന്നത്
    കാണുവാന്‍ തന്നെയാണ്
    എന്റെ ഓരോ കടിയും.
    അല്ലാതെ
    നിന്നെയിങ്ങനെ നിവര്‍ത്തിവെച്ച്
    എന്ത് വായിക്കാനാ മാഷേ?"

    "കലക്കി .."

     
  • Blogger സന്തോഷ്‌ പല്ലശ്ശന

    ധൈഷണിക ജീവിതത്തിന്‍റെ രണ്ടറ്റങ്ങളെ അതിശക്തവും ധ്വന്യാത്മകമായും കൃത്യമായും ഈ കവിതയില്‍ ആവിഷ്ക്കരിക്കപ്പെട്ടിരിക്കുന്നു. കടിക്കാടിനെ ഞാന്‍ ശ്രിയദ്ധിക്കാറുണ്ട്‌. വലിയ നക്ഷത്രങ്ങളെ മുറിച്ചു വെച്ച്‌ കവിതകള്‍ സൃഷ്ടിക്കുന്നു പലപ്പോഴും എന്ന്‌ മനസ്സുകൊണ്ട്‌ സ്നേഹത്തോടെയാണെങ്കിലും വിമര്‍ശിച്ചിട്ടുണ്ട്‌. സൂക്ഷ്മതയില്‍ അടയിരിക്കുന്ന ഈ കവി ഇന്ന്‌ ഈ കവിതയിലൂടെ എന്നെ അമ്പരപ്പിച്ചു... ചിലര്‍ എഴുത്തുകാര്‍ അങ്ങിനെയാണ്‌ വായനയുടെ അലകും പിടിയും മാറ്റണം എന്ന്‌ എന്നെപ്പോലെയുള്ള വായനക്കാരെ ഓര്‍മ്മിപ്പിക്കും.... ഈ ഉറുമ്പ്‌ എന്നെയും കടിച്ചു കവേ.. നമിക്കുന്നു...

     
  • Blogger ഗുപ്തന്‍

    രണ്ടുകവിത. രണ്ടും നല്ല കവിത :)

     
  • Blogger Deepa Bijo Alexander

    വായനക്കാരുടെ മനസ്സിൽ ഒരുറുമ്പു കടിപോലെ ചുവന്നു തിണർത്ത്‌ ഒരു നീറ്റലായവശേഷിക്കുന്ന നല്ല കവിത.....ഇതൊരു സുഖമുള്ള നീറ്റൽ തന്നെ....!

    താങ്കളുടെ ഏറ്റവും മികച്ച കവിതകളിലൊന്ന്‌....ആശംസകൾ...!

     
  • Blogger ബാലചന്ദ്രൻ ചുള്ളിക്കാട്

    കവിതയിലൂടെ മനുഷ്യൻ എല്ലാത്തിലേക്കും പരകായപ്രവേശം നടത്തുന്നു. ഉറുമ്പിലേക്കും.നന്നായി നസീർ.

     
  • Blogger സരയൂ

    സുഹൃത്തെ
    ഒറ്റയടി വെക്കുന്ന
    ഉറുമ്പു നടത്തത്തില്‍ നിന്നു
    മനോഹരമായ മനസ്സില്‍
    തട്ടുന്ന ഒരു കവിത
    നന്നായിട്ടോ....
    hema

     
  • Blogger asmo puthenchira

    nasir,
    urubu kadichavandey vethanakondu
    oru kavitha.
    nannayi.
    asmo.

     
  • Blogger kureeppuzhasreekumar

    നന്നായി നസീര്‍
    ഉറുമ്പുകള്‍ക്കും ചിലത് പറയാനുണ്ട്‌.
    അത് ചിലപ്പോള്‍ നമുക്ക് പറയാനുള്ളതിനെക്കാള്‍ ശക്തം ആയിരിക്കും.

     
  • Blogger Unknown

    urympukalkku atheendriya hjanamudennanu ente viswasam.
    kavitha nannayi

    sreekumaran thampi (ivideyum enikku samadhanam tharille ennayirikkum ninte chintha. alle urumpe...?)

     
  • Blogger Unknown

    Urumpukalkku atheendriyanjanm undennanu ente viswasam. kavitha nannayi. abhinandanam.

     
  • Anonymous sreekumaran thampi

Post a Comment
സംക്രമണം >>
 



2011
2010
2009
2008
2012
2007