മത്തി ഒരു ജാതിയാണ്. അയലയും അയക്കോറയും രണ്ടു ജാതികളാണ്. കരയോടടുക്കുമ്പോള്‍ കണ്ണുരുട്ടുന്നുണ്ട് എല്ലാ ജാതി മീനുകളും.
കരയില്‍ പിടഞ്ഞ് ചെതുമ്പല്‍ ചേര്‍ത്തുവെച്ച് മത്സ്യം പോലുമല്ലാത്ത ചെമ്മീനും ഞണ്ടും കൂന്തളും എന്റെ ദൈവമേയെന്ന് കൂട്ടപ്രാര്‍ത്ഥനയാണ്. അയിലേസാ എന്നൊരു കടലിരമ്പം.
മീന്‍‌പിടുത്തക്കാരനും ദൈവത്തിനും ഒരേ മുഖഛായ.
ദൈവമായിട്ടെന്താ, എന്റെ ജാതിയോട് എനിക്കും തോന്നുന്നുണ്ട് ഒറ്റയ്ക്കൊരു അയിലേസാ.
അയിലേസാ
(എത്രജാതി മരങ്ങളുണ്ടപ്പാ എന്ന
വിത്സന്റെ പ്രയോഗത്തോട് കടപ്പാട്)