വീട്ടുപകരണങ്ങളെക്കുറിച്ച് എവിടെ തുടങ്ങും? കുടും‌ബനാഥനും വീട്ടമ്മയും കുട്ടികളും രൂപാന്തരപ്പെട്ടുകൊണ്ടേയിരിക്കുകയാണ്. മുത്തച്ഛനും മുത്തശ്ശിയും ശേഷിക്കുന്നവര്‍ അവര്‍ ചാരുകസേരയിലേക്കും,കട്ടിലിലേക്കും അനായാസം രൂപകപ്പെടുന്നുണ്ട്.
കുടും‌ബനാഥന് എല്ലായിടത്തും കണ്ണ് രണ്ട് കണ്ണല്ലേയുള്ളൂ പ്രഷര്‍ കൂടും പ്രഷര്‍‌കുക്കറിനേക്കാള്‍ ഉച്ചത്തില്‍ വിളിച്ചുകൂവും ഫാനിനും കാറ്റില്ലേ ടിവിയൊന്ന് നിര്‍ത്താമോ ചെവി കേള്‍ക്കണ്ടേ?
വീട്ടമ്മ അടുപ്പില്‍ നിന്നുതുടങ്ങും. തിളയ്ക്കാനും വേവാനുമുള്ള തിടുക്കം പുഴമീന്‍ പെരുവിരല്‍ കടിക്കും സാരിത്തലപ്പിന് തീപിടിക്കും നേരം പോയല്ലോയെന്ന് മിക്സിയിലേക്കും ഗ്രൈന്ററിലേക്കും വാഷിം‌ഗ്‌മെഷീനിലേക്കും ഓടുമ്പോള്‍ അരഞ്ഞ മണം വീടിന്.
കുട്ടികള്‍ മേശപ്പുറത്ത് ഏടുപറിഞ്ഞ് അകത്തും പുറത്തും പറന്ന് ഇന്‍സെക്റ്റ് കില്ലറില്‍ കുടുങ്ങി പൊട്ടിത്തെറിക്കുന്ന ശബ്ദം ചിറകും,വാലും 36” ടിവി സ്ക്രീനില്‍ ഒട്ടിപ്പിടിച്ചിരിക്കുന്ന കാഴ്ച ഗൂഗിളെന്നാല്‍ ഒന്നുകഴിഞ്ഞ് നൂറുപൂജ്യമാണോ? ഒമ്പതാം‌ക്ലാസ്സുകാരി നെറ്റില്‍ വയസ്സറിയിക്കും.
ചാരുകസേരയ്ക്കും കട്ടിലിനും
സംശയങ്ങളൊന്നുമില്ല
അനക്കം പോലുമില്ല.
ishtaayi