എങ്ങിനെയെഴുതിയാലും 8 നിവര്‍ന്നുനില്‍ക്കില്ല Apr 21, 2010 എട്ടുകെട്ടിനു ചുറ്റും ഏക്കര്‍ കണക്കിനു തെങ്ങ് ഏക്കര്‍ കണക്കിനു മാവ് ഏക്കര്‍ കണക്കിനു പുളി ഏക്കര്‍ കണക്കിനു നെല്ലി ഏക്കര്‍ കണക്കിനു കിളികള്‍ ഏക്കര്‍ കണക്കിനു നാല്‍ക്കാലികള്‍ ഏക്കര്‍ കണക്കിനു പാമ്പും കീരിയും നടുമുറ്റത്തു മഴപെയ്യുമ്പോള്‍ കാണണം എട്ടുകെട്ടിനു ചുറ്റും മരങ്ങള്‍ കുടചൂടുന്നത് കിളിക്കൂട് ഒലിച്ചുപോകുന്നത് നാല്‍ക്കാലികള്‍ പയ്യാരം പറയുന്നത് പാമ്പും കീരിയും കെട്ടിപ്പിടിക്കുന്നത് നടുമുറ്റത്തു സൂര്യനുദിക്കുമ്പോള്‍ കാണണം എട്ടുകെട്ടിനു ചുറ്റും മരങ്ങള്‍ക്കു കൊമ്പും കിളികള്‍ക്കു ചിറകും നാല്‍ക്കാലികള്‍ക്കു വാലും മുളയ്ക്കുന്നത് പാമ്പും കീരിയും പഴയതൊക്കെ മറക്കുന്നത് എട്ടുകെട്ടു പൊളിക്കുമ്പോള്‍ ഏക്കര്‍ കണക്കിനെന്ന കണക്കു തെറ്റി എട്ടെന്നെഴുതുമ്പോള്‍ വളഞ്ഞുതിരിഞ്ഞു മൂക്കുപിടിക്കലായി പൊളിച്ചടുക്കിയ മരയുരുപ്പടികള്‍ക്കിടയിലൂടെ എട്ടടിമൂര്‍ഖന്‍ ഓടിപ്പോയ വഴി കണക്കിനു പുറത്തായി ഏതു മാളത്തിലും എത്തിനോക്കലാണിപ്പോള്‍ ഒളിച്ചിരിപ്പുണ്ടോ എട്ടടിമൂര്‍ഖന്‍ Labels: കവിത

 

2വായന:

നസീര്‍ കടിക്കാട്‌ … 8    ..::വഴിപോക്കന്‍[Vazhipokkan] | സി.പി.ദിനേശ് … കെട്ടുകെട്ടിയ എട്ടടിമൂര്‍ഖന്‍, കെട്ടുപൊട്ടാതെ പേടി ഒളിഞ്ഞു നോക്കി നോക്കി..

Post a Comment

സംക്രമണം >>

2011

2010

2009

2008

2012

2007