ഒരു ജാതിമരം May 29, 2010 ആശാരിച്ചെക്കനും ഇറച്ചിവെട്ടുകാരന്റെ മോനും പുള്ളോത്തിപ്പെണ്ണും ജാതിമരക്കൊമ്പിലിരുന്നു കൊഞ്ഞനം കുത്തുകയാണെന്നെ മലഞ്ചരുവിലെ മരക്കൂട്ടത്തില്‍ വഴി തെറ്റുന്ന ദിവസം ആശാരിച്ചെക്കനും ഞാനും കണ്ണുകളില്‍ കടിപിടി കൂടും ഒരേ കനത്തിലീര്‍ന്ന മരപ്പലകകള്‍ക്കിടയില്‍ അര്‍ദ്ധരാത്രിയ്ക്കു ഞാന്‍ ഈര്‍ച്ചപ്പൊടി വില്‍ക്കാനിരിക്കും ഓടിനടക്കുന്ന മണലില്‍ ചോരയിറ്റുമ്പോള്‍ ഇറച്ചിവെട്ടുകാരന്റെ മോനും ഞാനും കണ്ണില്‍ കണ്ണില്‍ മണ്ണുവാരിയെറിയും തൊലി ചീന്തി കീഴ്ക്കാംതൂക്കമാടുന്ന പുലര്‍‌കാലത്തു ഞാന്‍ മജ്ജ നിറഞ്ഞ എല്ലുകഷണങ്ങള്‍ വില്‍ക്കാനിരിക്കും താളക്കുടുക്കയുടഞ്ഞ് ഈണത്തിന്റെ നദികളാകുമ്പോള്‍ പുള്ളോത്തീപ്പെണ്ണും ഞാനും കണ്ണേറു കൊണ്ടു പ്രാകും വീടായ വീടെല്ലാം ഉച്ചവെയിലുണക്കാനിടുന്ന മുറ്റത്തെ ജാതിമരത്തണലില്‍ ഞാന്‍ നാവേറുപാട്ടിന്റെ ചിരട്ട തം‌ബുരു വില്‍ക്കാനിരിക്കും Labels: കവിത

 

7വായന:

നസീര്‍ കടിക്കാട്‌ … ഓരോ ജാതി സ്നേഹങ്ങള്‍ക്ക്    ചിത്രഭാനു Chithrabhanu … ജാതിപ്പകർന്നാട്ടങ്ങൾ.... നന്നായി. ശക്തിയുണ്ട് വരികൾക്ക്. ആശംസകൾ    jayanEvoor … ജാതിമരം... നല്ല പ്രയോഗം!    പി.ഇ.എന്‍ … താങ്കളുടെ കവിത സംസാരിക്കുന്നത് സ്വത്വരാഷ്ട്രീയമാണല്ലോ സഖാവേ!    Anonymous … സത്വങ്ങളെ തട്ടീട്ട് നടക്കാന്‍ വയ്യാണ്ടായല്ലാ    സുകുമാരന്‍ ആലിക്കോട് … കടിക്കാട് എന്നാണാവോ കവിയാവുക...കാറ്റ് വീശിയാലും വിമാനംവീണാലും കമ്മ്യൂണിസം കലങ്ങിയാലും ക ക ക.....വിതയുമില്ല കൊയ്ത്തുമില്ല    എന്‍.ബി.സുരേഷ് … സ്നേഹത്തിന്റെ ജാതിമരങ്ങൾക്കിപ്പോൾ നല്ല മാർക്കറ്റാ മാഷേ

Post a Comment

സംക്രമണം >>

2011

2010

2009

2008

2012

2007