ഭും
Dec 3, 2010
നട്ടുച്ചയ്ക്ക് കവി
സൂര്യനെ തിന്നാനിറങ്ങി

സൂര്യനതാ ബെൻ‌സുകാറിനു മുകളിൽ
വെന്തു മൊരിയുന്നു
കടിച്ചു മുറിച്ച് തിന്നുതീർത്തു
രണ്ടായിരത്തൊൻപത് മോഡൽ ബ്ലാക്ക് ബെൻസ്

സൂര്യനതാ നാട്ടുമാവിൽ
തിളച്ചു മറിയുന്നു
ഒറ്റ നില്പിൽ അകത്താക്കി
ആകാശം മുട്ടുന്ന നാട്ടുമാവ്

സൂര്യനതാ വിയർത്തൊലിക്കുന്നൊരാളുടെ തലയിൽ
കൊത്തിപ്പൊരിയുണ്ടാക്കുന്നു
വലിച്ചുവാരി വിഴുങ്ങി
ബസ്സു കാത്തു നിന്നൊരാളെ

സൂര്യനതാ പറ്റിച്ചേയെന്ന്
കവിയെ വെയിലത്തുപേക്ഷിച്ച്
പ്രകാശത്തേക്കാൾ വേഗത്തിൽ
സ്പീഡ് ട്രാക്കിലൂടെ ഓടിപ്പോകുന്നു

കവിയുടെ വയറുപൊട്ടി

ദഹിക്കാതെ കിടന്നതാവണം
നാല് ടയറുകൾ
നാട്ടുമാവിൻ തായ്‌വേര്
ഒരു മനുഷ്യന്റെ നട്ടെല്ല്
ഭും... പുറത്തേക്കു ചാടി

Labels:



 

 
13വായന:
  • Blogger നസീര്‍ കടിക്കാട്‌

    ഭും...

     
  • Blogger K G Suraj

    ഒന്നാംതരം ....

     
  • Blogger SUJITH KAYYUR

    nannaayirikkunnu

     
  • Blogger SUJITH KAYYUR

    nannaayirikkunnu

     
  • Blogger മടിയൻ

    ഭും ഭും ഷക്കലക്ക............

     
  • Blogger Kalavallabhan

    കവിയായതുകൊണ്ട് എന്തും ചെയ്യാമെന്ന് കരുതരുത്.

     
  • Blogger Kalavallabhan

    കീഴൂർ വിത്സന്റെ “കവി” യ്ക്ക് എന്റെ മറുപടി :

    കത്തുന്ന സൂര്യനെ തിന്നുന്ന കവിയുടെ
    കരളങ്ങൊരുലപോലെ കത്തിടുന്നു
    കറുത്ത രക്തങ്ങളും വെളുത്ത രക്തങ്ങളും
    കറുത്ത കാറിൽ കയറിപ്പാഞ്ഞിടുന്നു.
    കാറതുശക്തിയാൽതലച്ചോറിലെത്തി
    കവിതയായ് പെയ്തിറങ്ങീടുന്നൂഴിയിൽ.

     
  • Blogger M.R.Anilan -എം. ആര്‍.അനിലന്‍

    സൂര്യനതാ പറ്റിച്ചേയെന്ന്
    കവിയെ വെയിലത്തുപേക്ഷിച്ച്
    പ്രകാശത്തേക്കാൾ വേഗത്തിൽ.....

     
  • Blogger ഷാജി അമ്പലത്ത്

    കവിയേ
    കലക്കി
    സ്നേഹപൂര്‍വ്വം
    ഷാജി അമ്പലത്ത്

     
  • Blogger സുനീത.ടി.വി.

    :)

     
  • Blogger ആറങ്ങോട്ടുകര മുഹമ്മദ്‌

    താങ്കള്‍ എന്തെഴുതിയാലും അത് കവിതയാകുന്നു..
    വായിക്കുന്നവനെ കൊതിപ്പിക്കുന്ന ശൈലി..ആത്മാര്‍ഥമായ അഭിനന്ദനങ്ങള്‍..

     
  • Blogger yousufpa

    അതുമിതുമെഴുതി ആൾക്കാരെ പറ്റിക്കല്ലേ..കവീ....

     
  • Blogger naakila

    ഭും...

     
Post a Comment
സംക്രമണം >>
 



2011
2010
2009
2008
2012
2007