| രാവിലെ നോക്കുമ്പോഴുണ്ട് കവിതയിലാ പൂച്ച പെറ്റു കിടക്കുന്നു
ഒളിഞ്ഞു നോക്കിയപ്പോഴുണ്ട് പൂച്ചയുടെ ചുണ്ടിലൊരു ചിരി
പൂച്ചക്കുഞ്ഞുങ്ങൾ കണ്ണമടച്ചു പാലു കുടിക്കുന്നു
ദിവസം കുറെയായി പൂച്ച ചുറ്റോടു ചുറ്റും നടന്ന് ഒരേ കരച്ചിൽ
എലിയെന്നഭിനയിച്ച് പല വഴി ഓടി
വിശപ്പേയെന്നു വിളിച്ച് തിന്നതെല്ലാം പകുത്തു
രാവിലെ നോക്കുമ്പോൾ കവിതയിലാ പൂച്ച നീണ്ടു നിവർന്നങ്ങിനെ പെറ്റു കിടക്കുകയാണ്
അടുക്കാനാവുന്നില്ല
കണ്ണുരുട്ടുന്നു മുറുമുറുക്കുന്നു കടിച്ചു കീറാൻ പല്ലു ഞെരിക്കുന്നു
Labels: കവിത |
ചെറിയൊരൊച്ച
പൂച്ച കരഞ്ഞതാണെന്നു കരുതിക്കൊൾക