| അസമയങ്ങളിലെ ഉറക്കം ഞെട്ടുന്നു |
| Mar 30, 2012 |
വർഷങ്ങൾക്കു മുമ്പു നാടുവിട്ടു പോയതാണെന്ന്
പല കഷണങ്ങളാൽ തുന്നിയെടുത്തൊരാൾ
എല്ലാവരുടെയും മുമ്പിൽ പ്രത്യക്ഷനാകുന്നു
ആർക്കും ഓർമ്മ കിട്ടുന്നില്ല
അസമയത്തും അയാളുടെ ഇരുമ്പുപെട്ടി
എല്ലാവർക്കും സുപരിചിതമാകുന്നു
രാവിലെ പത്തുപത്തരയ്ക്ക്
ഇരുമ്പുപെട്ടിയിൽ നിന്ന്
പാമ്പുകളും കീരികളും
പുറത്തേക്കിറങ്ങുന്നു
അസമയങ്ങളിലങ്ങിനെ പല ജീവജാലങ്ങളും
പുറത്തേക്കിറങ്ങുന്നു
അക്കൂട്ടത്തിൽ
മനുഷ്യരുണ്ടായിരുന്നില്ല |
| |
|
|
|
|
|
വിസ്മരിക്കുകയും ഓർത്തെടുക്കുകയും ചെയ്യുന്ന കാലം...